鋒芒畢露

今日放左學同teammates開會傾番一D Project上面既細節，開完會，肚肚地餓，於是就走左去掃街啦。

正當我一口咬住舊臭豆腐一路行去搭車之際，竟然咁啱撞到隔離果組又係開完會散band走人既阿Mike，又係同路喎，於是就乘機吹番一兩咀啦。

『Hey， 又係開完會呀？你地果組傾成點呀？』我盡量發揮我果個充滿好奇心既小宇宙，說道︰『你地果組就掂晒啦，五個人之中四個Degree holder，兩個修商科，仲要全部都係海歸派！我地果組就謝過謝霆鋒喇，得Kelvin係響加拿大讀完Accounting & Finance番黎，Karen黎緊先響港大讀BA，我同Alex不過係IVE Diploma畢業，差你地幾皮啦...』

Mike馬上應道：『你又唔好咁講，頭先阿John話想打算整ebay拉埋同銀行有關既業務喎。』我見佢臉有難色，心想還有下文，點知我未出聲，佢已經繼續講道：『唉！但佢響Discussion度講既野，比較武斷一D囉... 你知啦...』

John 係我地依班之中，可算是海歸派最top果位，我對佢既評價，就是除了Aggressive，還是Aggressive和Aggressive。一見到我地 那些Banker講師們，二話不說先取卡片，取不到便不斷問至索取到為止，連今日既講師都問道：『點解你咁心急係要問我拎卡片呢？』John答道：『學我 地班主任講，Networking丫嘛。』

我大感奇怪，問道：『但阿Sir都留左聯絡電話同E-mail比我地啦，點解還要鍥而不捨地拎 卡片呢？』John笑住說：『攞卡片就緊係唔同D啦，你要起碼見到個人先拎到卡片架嘛，雖然話一樣拎到聯絡，但D人又點知你響邊度拎到呢？』這一番說話， 馬上得到阿Sir既稱讚，簡直一言驚醒夢中人，失敬失敬...

『佢的確係比較Smart D嘛，我以前既圈子入面完完全全無佢依一種咁勁既人，大大話話響IC度讀喎！不過佢舊同學Jack同佢既家姐Angel又係同組，合拍性應該無問題丫，係喎，你唔係同佢地一樣都係響英國讀書既咩？』

『係 就係，不過佢諗野比較中產... 以上一D囉，比較少顧及我依D低少少階層既...』Mike嘆息一聲，連我都感受得到佢既無奈，回應道：『唉，係呀，睇佢個樣真係勁想入I-bank做， 連導師都肯將佢份CV轉去佢個friend度睇下有無工俾佢，大佬，Goldman Sachs喎！』

我繼續說道：『我依D IVE畢業既，就算依家有門路俾我丫，都一腳俾人伸番出去啦！望都唔駛望呀！比著我，入到D大既Retail Bank就已經還得神落啦！』

阿Mike馬上同我講：『咁你又唔駛咁，你都識唔少實務既野丫。』

我即刻耍手擰頭：『咪講笑啦，我識果D，對於D講師黎講係Common Sense黎架渣！簡直係班門弄斧。我都係睇書，只要肯多留意一下財經新聞，師奶都識啦。』

『咁又係... 我架車到喇，聽朝再見，Bye。』

我望住Mike的背影，心諗，如果比著我同John一組，唔知會係好事定係壞事黎呢...？