調整過後

眼見今天那隻warrent中國海外零七零七 (0580)大升35%，真係心痛死... 氣得血都吐得出幾斗，髮都白得幾條。

這隻窩輪，早兩日我還蝕近25%，就在跌777點那天，上星期五收到yen升已經心感不妙，到食lunch時知道恆指大跌400幾點，即刻打俾經紀，忍痛止蝕算數。

Warrent依樣野，小弟第一次玩，就玩到焦頭爛額...

0580是我同老爸一人一半合資買(為節省手續費)，我定於跌廿成左右止蝕，老爸就話三成，但大跌前幾日隻warrent都跌唔停，試過跌到去近20%左右再彈番去10%，攪到我想自作主張提早沽出，但又沽得唔夠狠，白白錯失機會，結果就買到教訓喇！

我同老爸的投資理念也截然不同，差天共地。老爸好少止蝕，遠有不知名細價股，近有美維。依幾日就因為0580爭論過不少，我話$3.2就一定要打靶，老爸就話$3，到一野跌落$2.8，我通知佢話要走，佢就話$2.5先再算，嬲到我自把自為沽左佢算，但而家又反彈成咁，都感到幾無奈... 不過老爸話我肯止蝕，將來好難輸到本都無。

但今次真係好心痛，搵錢艱難呀！我心痛，我仲「櫈」我老爸心痛。

不過我諗今次都係我最後一次「借荊州」啦...

突圍行動

「志高！」

「點呀。」

「到底發生左咩事，頭先果個唔似係我識既唐志高。」

「點解你會變成咁既樣？到底童家俾左D咩你？」

「對唔住，其實我都唔想俾你地睇見我依家咁既。但我只係一名普通的打工仔，有邊個唔想上位先？有邊個唔想老闆睇中自己先？我唔做擦鞋仔，大把人爭住做。」

「你真係咁諗？」

「阿進，你一出世就係有錢仔，無負擔無壓力，你知唔知要養家為前途打算係幾咁辛苦？我唔想再好似你地咁渾渾噩噩過日子。我只係想要一個好的前途。」

「點解，點解你會變成咁架？」

「係呀，我係變左。不過係變得聰明左。適者生存依四個字，我而家好清楚。」